一連幾日行雷閃電落大雨，皮膚郁啲就痕到想除返層皮，訓覺瞓到一半都爬起身抓，第二日對手仲爆晒細粒紅疹，係咪好熟悉？香港今個夏天雨季特別長，濕度成日企喺80%以上，好多濕疹同皮膚敏感嘅苦主呢排都話病情反反覆覆。根據本地濕疹關注組估計，全港濕疹患者多達150萬人，當中唔少人一到潮濕天氣就會發作加劇。中醫認為呢種因為外界濕氣夾雜體內熱毒引致嘅皮膚問題，多數同「濕熱蘊膚」有關——濕困脾胃、熱毒外發於肌膚，透過湯水食療清熱袪濕、健脾解毒，正正可以幫助紓緩呢種困擾好多香港人嘅濕疹皮膚敏感問題。 濕疹同一般皮膚敏感其實有分別。濕疹多數同免疫系統同皮膚屏障功能失調有關，症狀包括皮膚乾燥、脫皮、紅腫甚至滲水結痂，容易反覆發作；皮膚敏感範圍就闊啲，可能係接觸性、季節性或者食物引致嘅短暫痕癢紅疹。香港夏天濕度高、溫差大，皮膚屏障容易受損，加上汗水唔易蒸發，濕氣困喺皮膚表層，就會令兩種情況都更容易發作或者惡化。中醫角度嚟睇，呢類皮膚問題多屬「濕熱蘊膚」，脾胃運化水濕嘅功能失調，濕熱由內而外發於皮膚，就會出現紅腫、痕癢、滲液等症狀。 中醫清熱袪濕嘅「茯桃組合」...

夏天濕熱令濕疹特別容易發作，紅腫、脫皮、滲水加劇。中醫拆解濕熱蘊阻成因、高危人士同戒口重點，推介土茯苓綠豆等5大清熱袪濕止痕湯水。