啱啱喺街度行咗十分鐘，就已經頭暈眼花、成身濕晒，返到冷氣房仲要覺得反胃唔舒服，係咪好熟悉？香港踏入盛夏，天文台酷熱天氣警告一浪接一浪，好多人稍為喺戶外走動就會頭暈頭痛、氣促甚至神志不清。根據衞生署衞生防護中心資料，過去五年香港每年錄得超過200宗因中暑入院嘅個案，當中死亡個案每年約有二至五宗，集中喺五月至九月嘅夏季時間。中醫認為呢種因為酷熱天氣引致嘅不適，多數同「暑熱傷津」有關——暑為陽邪，最易耗氣傷津，透過湯水食療清熱解暑、益氣生津，正正可以幫助紓緩呢種夏日常見嘅中暑同熱衰竭困擾。 中暑同熱衰竭其實有分別。熱衰竭徵狀包括頭暈、頭痛、噁心、氣促同神志不清，體溫通常正常或微升；如果體溫上升至攝氏40度以上，仲可能引發更嚴重嘅中暑，出現全身痙攣甚至失去意識，屬於一種可致命嘅急症，必須即時降溫同求醫。中醫角度嚟睇，暑邪最易夾濕，令人氣陰兩傷，出現攰、口渴、冇胃口等徵狀，呢個時候透過清熱解暑嘅湯水食療調理，可以幫助身體盡快恢復。 中醫清熱解暑嘅「蔗茅組合」 竹蔗性涼味甘，歸肺、胃經，主打清熱生津、潤燥止渴，係中醫處理暑熱傷津、口乾煩渴嘅常用食材。現代研究