屋企細路一個病曬全家跟住病、返工返到一半就開始喉嚨痛鼻塞、瞓極都係攰……如果你呢排身邊多咗好多人病，你不是一個人。根據衞生署資料，香港已經踏入流感季節，同時新冠病毒活躍程度亦升到近一年新高，兩種病毒同時流行，令唔少人中招。除咗接種疫苗、勤洗手，中醫話「正氣內存，邪不可干」——透過湯水食療調理體質、增強抵抗力，同樣係好重要嘅防護一環。 流感同新冠病毒在同一時間活躍傳播，醫學上稱為「雙重夾擊」。天氣悶熱、室內外溫差大，加上人群聚集，都令病毒更容易傳播。長者、幼童、長期病患者屬於高危一族，特別需要注意增強身體抵抗力。 北芪淮山：中醫增強抵抗力嘅「黃金組合」 中醫認為北芪性溫、味甘，歸肺脾經，主打補中益氣、固表止汗，自古就係體虛易感冒人士嘅常用藥材。北芪入面嘅黃芪多糖，現代研究指有助調節免疫系統機能，提升身體防禦力。 淮山則健脾補肺、滋腎養陰，同北芪配搭，一補氣一養陰，特別適合經常捱夜、工作壓力大、容易攰嘅都市人。加埋黨參煲湯，補肺益氣效果更佳，係好多中醫師都會推薦嘅日常保健湯水。 邊個人特別要注意增強抵抗力？ 根據衞生防護中心資料，以下人士屬高危一族，